Ведомствонун маалыматына ылайык, мыйзамсыз ишмердик үчүн колдонулушу мүмкүн болгон сауналар, мейманканалар жана ижарага алынган батирлер сыяктуу объектилерге көңүл бурулууда.
Жүргүзүлгөн иш-чаралардын натыйжасында кызматкерлер интимдик кызматтарды көрсөтүп жаткан адамдарды жана притон уюштурган адамдарды аныктоодо.
Акыркы 48 сааттын ичинде милиция бөлүмүнө 20 адам жеткирилди. Алардын ону менен профилактикалык мүнөздөгү сүйлөшүүлөр жүргүзүлдү, ал эми калган адамдарга жезөкшөлүк менен алектенүү боюнча укук бузуулар кодексинин 109-беренеси боюнча протоколдор түзүлдү.
Милиция жергиликтүү жана келген жарандарды интимдик кызматтарды көрсөтүү фактылары тууралуу 102 номерине билдирүүгө чакырат.
Профилактика боюнча иштер улантылууда.
