Кара-Суу районунда Ош облусунда жазгы талаа иштерине даярдыкка арналган жыйын болуп өттү. Ага өкмөт башчысынын орун басары жана суу ресурстары, айыл чарба жана кайра иштетүү өнөр жайы министри Бакыт Торобаев катышты.
Министрлик тарабынан уюштурулган жыйында ведомствонун аймактык бөлүмдөрүнүн өкүлдөрү, район акими, ошондой эле Ош облусундагы президенттин ыйгарым укуктуу өкүлү Аманкан Кенжебаев да катышты. Мындан тышкары, бардык айыл аймактарынын жетекчилери жана райондук МЧС бөлүмүнүн башчысы да талкууга катышты.
Министр жазгы иштерге даярдык, минералдык тыңайткычтар менен камсыздоо жана сугат каналдарын убагында тазалоо боюнча профилдик кызматтардын отчетторун угуп чыкты. Айыл аймактарынын жетекчилери сугарылган жерлердин аянттары жана суу алуу булактары тууралуу маалымат беришти.
Бакыт Торобаев талаа иштерине даярдыкты кылдат жүргүзүүнүн маанилүүлүгүнө жана фермерлерди сертификатталган үрөндөрдү колдонуу артыкчылыктары тууралуу маалымдоонун зарылдыгына көңүл бурду.
«Фермерлерге сертификатталган үрөндөрдү колдонуу менен кандай пайда алат экенин азыртан түшүндүрүү зарыл. Жазгы сезон башталгандан мурун сугат каналдарын тазалоону аяктоо да келечекте көйгөйлөрдү болтурбоо үчүн өтө маанилүү», — деди ал.
Мындан тышкары, адистер районго жаңы айыл чарба техникасы келип жатканын, бул агрардык сектордун өнүгүшүнө оң таасирин тийгизип жатканын белгилешти. Ошондой эле фермерлер «Айыл Банк» жана «Элдик Банк» аркылуу жеңилдетилген кредиттер ала алаары айтылды.
