Кыргыз Республикасында жергиликтүү коомдордун демилгелерин колдоо үчүн фонддорду түзүү пландалууда беш шаарда жана айылдык аймактарда.
Каржы министрлиги берген маалыматка ылайык, министрлик бир нече коммерциялык эмес уюмдар, анын ичинде «Граждандык катышуу» коомдук фонду, «Интербилим Ош» МЦ жана «Youth of Osh» менен кызматташуу боюнча меморандумга кол койду.
Бул меморандумдун алкагында тараптар белгиленген аймактарда жергиликтүү демилгелерди колдоо фонддорун түзүү боюнча пилоттук долбоорду ишке ашыруу үчүн күч-аракеттерин бириктиришет.
Долбоордун негизги максаты - жарандардын жергиликтүү бюджет маселелерин чечүүгө катышуусун активдештирүү, алардын демилгелерин колдоо жана коомчулук үчүн пайдалуу долбоорлорду ишке ашырууга жардам берүү.
Каржы министрлиги жергиликтүү өз алдынча башкаруу органдарына консультациялык жана методикалык колдоо көрсөтөт, ал эми өнөктөш уюмдар окутуу, маалыматтык кампанияларды өткөрүү жана фонддордун бардык этаптарында демилгелүү топторду коштоп жүрүү менен алектенишет.
«Бул демилге жергиликтүү коомдордун бюджеттик каражаттарды башкаруудагы ролун күчөтүүгө, алардын бөлүштүрүлүшүнүн ачыктыгына жана өлкө боюнча фонддордун натыйжалуу иштеши үчүн шарттарды түзүүгө көмөк көрсөтөт», - деп белгиленет билдирүүдө.
