Чүй облустук мамлекеттик архитектуралык-курулуш контролунун башкармалыгынан алынган маалыматка ылайык, иш-чаралар шаар куруу жана архитектура департаменти, ошондой эле жергиликтүү өз алдынча башкаруу органдары менен кызматташтыкта уюштурулган.
Рейд учурунда белгиленген нормаларга жооп бербеген 12 убактылуу соода жайы жана жеңил курулуштар жоюлду.
Демонтаж башталгандан бир жума мурун, объектилердин ээлерине мыйзам бузуулардын жоюлушу жана аймактын тазаланышы тууралуу билдирүүлөр жөнөтүлгөн. Ошондой эле ишкерлер менен түшүндүрүү иштери жүргүзүлгөн.
Ведомстводо Чүй облусунда курулуш иштеринин сапаты жана жүрүшүнө көзөмөл жүргүзүү туруктуу негизде улантыларын белгилешти. Курулуш компаниялары техникалык коопсуздук нормаларына жана эрежелерине так сактоого чакырылды.
