Ведомствонун маалыматына ылайык, кулап түшүү күчтүү шамалдын натыйжасында болгон.
«Мамлекеттик архитектуралык-курулуш контролунун бөлүмүнүн адистери маалымат алгандан кийин окуя болгон жерге барышып, зарыл чараларды көрүштү. Текшерүү учурунда курулуш аянтчасында коопсуздук талаптарынын баары сакталбагандыгы аныкталды. Жумуштарды жүргүзгөн ОсОО «Жаз Строй» компаниясындагы бузулуулар боюнча 200 миң сом өлчөмүндө айып пул салынды. Убакыттуу тосмо калыбына келтирилди, ал эми подрядчикке тосмону бир күндүн ичинде тартипке келтирүү боюнча буйрук берилди», – деп айтылат Минстройдун билдирүүсүндө.
Министрлик ошондой эле тосмонун кулаш себептерин текшерүүдө жана мыйзамга ылайык зарыл чараларды көрөт. Бардык курулуш объектилери жарандардын коопсуздугун камсыздоо үчүн туруктуу көзөмөлдө.
