Ал операциянын ийгиликтүү аяктаганын белгиледи.
«Докторлорго жана менин жанымда болгон бардык адамдарга ыраазычылык билдирем. Эми алдыда жараны жазуу жана ишенимди кайра кайтаруу процесси турат. Мага дагы бир нече операция керек», — деп жазды ал.
Белгилей кетсек, 2023-жылдын 20-сентябрында 36 жаштагы Асель Ногойбаева оор бычак жаракаттары менен ооруканага жаткырылган. Анын мурдагы күйөөсү, Азамат Эстебесов, анын кулагын жана мурунун кесип, көптөгөн башка жаракаттарды да берген. Ага карата КРнын Кылмыш-жаза кодексинин 130-беренеси «Саламаттыкка оор зыян келтирүү» боюнча кылмыш иши козголгон. Учурда 39 жаштагы мурдагы күйөө киши камакта. 2024-жылдын 26-январында Сокулук райондук соту аны 20 жылга эркинен ажыратты. Сот ошондой эле айыпталуучуну Асель Ногойбаевага 2 миллион сом, мамлекетке 80 миң сом айып пул төлөөгө милдеттендирди.
