Бул тууралуу райондук мамлекеттик администрация маалымдады.
Администрациянын маалыматына ылайык, 23-февралда 2022-жылдын 15-июлундагы №385 «Социалдык контракт негизинде социалдык жардам көрсөтүү боюнча жобону бекитүү жөнүндө» өкмөттүн токтомуна жана 2025-жылдын 28-мартындагы №164 токтомуна ылайык сертификаттар берилди. Лейлек райондук эмгек, социалдык камсыздоо жана миграция башкармалыгы сертификаттарды социалдык контрактка кол койгон 33 үй-бүлөгө тапшырды.
Бул жарандардын арасында «Үй-бүлөгө көмөк» пособиясын алууга тандап алынгандар бар, алар ар кандай экономика тармактарында өз ишин баштоону пландаштырууда.
Сертификаттарды берүү район акими А. Жеңишбекдин катышуусунда өттү. Мындан тышкары, төрт адам мүмкүнчүлүгү чектелгендерге арналган арбалар алышты.
