Анын айтымында, акция 15 жылдан бери өткөрүлүп келет. «Ар жылы Ата-Мекенди коргоочулар күнү алдында «Апамдын наны» акциясын уюштурабыз. Бул биздин салтка айланды. Райондук кеңештен 50дөн ашык аял уюштурууга катышат. Бул күнү энелер камыр даярдап, нан жана боорсок бышырып, ошондой эле аскерлер үчүн үйдүн тамактарын даярдашат. Алардын кээ бири кол менен жасалган май жана курут алып келишет. Бул акция өлкөнүн чек арасын коргогон аскерлерди колдоп, аларга үйдүн жылуулугун сезүүгө жардам берет. Иш-чаранын учурунда аялдар тобу аскер кызматкерлерине концерттик программа өткөрдү», - деди Гулназ Курманбаева.
Ала-Букада беш чек ара заставасы, бир отряд жана Коргоо министрлигинин аскер бөлүгү жайгашкан.
