Калкка кызмат көрсөтүү жана архитектура башкармалыгынын жаңы административдик имараты Сузак айылында курулуп жаткан негизги объекттердин бири болуп калды.
Курулуштун жүрүшүн текшерүү учурунда министр тиешелүү кызматтардын жетекчилерине бир катар көрсөтмөлөр берди.
Проект боюнча, имарат эки кабаттуу курулуш болуп саналат. Аймакта спорттук аянтча уюштуруу пландалууда, ал эми ичинде кызматкерлер үчүн ыңгайлуу шарттар түзүлүп, жарандарга сапаттуу кызмат көрсөтүү каралат.
Жаңы имараттын жалпы аянты 576,04 квадрат метрди түзөт, курулуш иштеринин башталышы 2025-жылдын июнь айына белгиленген.
