Ат-Баши районунда жаңы курулуш жана архитектура башкармалыгынын жаңы имараты ачылды.
Курулуш министрлиги билдиргендей, жаңы административдик эки кабаттуу имараттын аянты 200 квадрат метрди түзөт, ал жыйындар залы, күтүү залы, архив, кабыл алуу бөлмөсү, «бирдиктүү терезе» зонасы жана техникалык жайларды камтыйт. Курулуш заманбап стандарттарга ылайык жүргүзүлүп, кызматкерлер үчүн ыңгайлуу шарттарды жана жарандар үчүн жеңил кызмат көрсөтүүнү камсыз кылды.
Административдик имаратты куруу иштери 2025-жылдын июль айында башталган жана министрликтин ички ресурстарынын эсебинен каржыланган.
Ачылыш аземине курулуш министри Нурдан Орунтаев, жергиликтүү мамлекеттик кызматкерлер, архитекторлор жана район тургундары катышты.
Министр өз сөзүндө жаңы имарат административдик объект гана эмес, ошондой эле региондун архитектуралык чөйрөсүн жакшыртууда маанилүү кадам экенин белгиледи. Проект функционалдуулук менен эстетиканы гармониялуу айкалыштыруусу менен айырмаланат, бул адистердин продуктивдүү жана креативдүү иши үчүн заманбап шарттарды түзөт.
Иш-чаранын алкагында жаңы башкармалыктын аймагында жыш дарактардын көчөттөрү да отургузулду.
Мурда башкармалыктын кызматкерлери 1952-жылы курулган имаратта болушкан, ал башында турак жай муктаждыктары үчүн арналган.
