Октябрь районунун муниципалдык администрациясынан алынган маалыматка ылайык, «Лидер Хаус» жоопкерчилиги чектелген коомунун подряддык уюму тротуар боюнча абалды оңдоого милдеттенген. Бишкек мэриясынын басма сөз кызматы бул тууралуу маалымдады.
Башкалаанын тургундары мурда Ататүрк атындагы парктын жогорку бөлүгүндөгү тротуардын абалына нааразы болушкан. Алар жакында төшөлгөн асфальттын жарылып, айрым жерлерде чокурлар пайда болгонун белгилешти.
Бул арыздарга жооп катары мэрия подрядчыга аныкталган кемчиликтерди жоюп, участканы талапка ылайык абалга келтирүүнү тапшырганын тастыктады.
