Жогорку Кенештин жыйынында депутат Улан Примов өлкө тургундары президент Садыр Жапаровго үч жашка чейинки балдар үчүн ай сайын берилүүчү жөлөкпулду киргизгени үчүн ыраазычылык билдирип жатканын белгиледи.
Ал бул көп балалуу үй-бүлөлөр жана финансылык кыйынчылыкта болгон адамдар үчүн маанилүү колдоо экенин айтты.
«Мындан тышкары, социалдык контракттын суммасы 150 миң сомго чейин көбөйтүлдү, бул кичи ишкерлер үчүн колдоо болуп саналат», - деп кошумчалады ал.
Примов ошондой эле Жогорку Кенеште жөлөкпулдар боюнча мыйзам долбоорун кайтарып алуу жана анын берилишинин шарттарын өкмөт менен биргеликте кайра иштеп чыгуу мүмкүнчүлүгү каралып жатканын билдирди.
