Ирандын спорт министри АКШ өкмөтүн сындады
Ирандын футбол боюнча курама командасы быйыл бир нече өлкөлөрдө, анын ичинде АКШда өтө турган дүйнө чемпионатына катышпоо чечимин расмий түрдө жарыялады. Бул тууралуу Ирандын спорт министри Ахмад Доньямалинин билдирүүсүн Reuters агенттиги цитата кылды.
Доньямали АКШнын аракеттерине нааразычылыгын билдирип: «Бул коррупцияланган режим биздин лидерибизди [Али Хаменеи] өлтүрдү, жана биз эч кандай шартта футбол боюнча дүйнө чемпионатына катыша албайбыз. Иранга каршы алардын агрессивдүү аракеттери, акыркы сегиз же тогуз айда болгон эки согуш, миңдеген ирандыктардын өмүрүн алып кетти, ошондуктан биз бул иш-чарага катышууга жол бербейбиз» - деди.
Иран турнирдеги катышуудан расмий түрдө баш тартуу үчүн бардык зарыл формальддарды аткарган-аткарбаганы азырынча белгисиз. FIFA азырынча министрдин билдирүүсүнө комментарий берген жок.
Футбол боюнча дүйнө чемпионаты 2026-жылдын 11-июнунан 19-июлuna чейин пландалган жана АКШ, Мексика жана Канадада өтөт. Иран Бельгия, Египет жана Жаңы Зеландия менен бир группага кирди, ал эми группадагы үч матч АКШда - эки Лос-Анжелесте жана бир Сиэтлде өтүшү керек.
Өткөн жумада Атлантада дүйнө чемпионатына даярдык боюнча ФИФАнын саммити өттү, анда Иран жыйынга катышпаган жалгыз өлкө болду.
сүрөт www
