11-мартта Ысык-Көл облусунда жайгашкан Каракол шаарында жаңы мэр Талантбек Имановду тааныштыруучу азем өттү.
Шаардык мэриянын маалыматы боюнча, Кыргыз Республикасынын президентинин Ысык-Көл облусундагы ыйгарым укуктуу өкүлү Бакытбек Жетигенов президент Садыр Жапаровдун жаңы мэрди дайындоо боюнча жарлыгын жарыялап сүйлөдү.
Иш-чарада Каракол шаардык кеңешинин төрагасы Санжар Таштанбеков жана шаардык кеңештин депутаттары катышып, Имановду жаңы дайындалышы менен куттукташып, ишинде ийгиликтерди каалашты. Ошондой эле, иш-чаранын жүрүшүндө мурдагы мэр Каныбек Адиевдин ишмердүүлүгүнүн жыйынтыктары чыгарылып, катышуучулар анын шаарды өнүктүрүүгө кошкон салымы үчүн ыраазычылык билдиришти.
