Учурда көпүрөнүн эки тарабындагы эски металл тосмолор жана асфальт жабындысы толугу менен демонтаждалды. Жаңы темир-бетон балкаларды орнотуу жана конструкцияны кеңейтүү боюнча иштер жүрүп жатат.
Мындан тышкары, Жибек Жолу көчөсүнөн 360 метр аралыктагы жол тилкесинде жер казуу иштер уланууда, ошондой эле электр өткөргүчтөрүн жана байланыш линияларын көчүрүү иштери жүргүзүлүүдө.
Жүргүзүлүп жаткан курулуш иштеринин себептүү Лебединовка – ГЭС-5 автожолунун (0-360 метр) тилкеси 15-февралдан 20-апрелге чейин убактылуу жабык болот.
Ошондой эле, Лебединовка – ГЭС-5 автожолунун жалпы узундугу 5,1 километрди түзөрүн белгилеп өтүү керек. Реконструкция процессинде жолдун категориясы өзгөрөт, ал эми кыймыл тилкелери экиден төрткө чейин көбөйтүлөт. Ошондой эле, долбоорго көчө жарыгын орнотуу, учурдагы көпүрөнүн эки тарабында тротуарларды куруу жана жөө адамдар үчүн өзүнчө көпүрө куруу кирет.
