Бишкекте 500 үй-бүлөгө, финансылык кыйынчылыкта турган, азык-түлүк топтомдору таратылды. Бул тууралуу маалыматты Эмгек, социалдык камсыздоо жана миграция министрлиги берди.
Ведомствонун маалыматына ылайык, иш-чара республикалык протез-ортопедия мекемесинде өткөрүлдү. Азык-түлүктөр борбордун тургундарына гана эмес, Чүй облусунун тургундарына да берилди.
Бул демилге Рамазан айында ишке ашырылып, Бишкектеги Түркиянын кызматташтык жана координация агенттигинин (ТИКА) программаларын координациялоо офисинин колдоосу менен уюштурулду.
Министрлик ошондой эле жардам алгандар алдын ала аныкталганын белгилеп, муктаждарга жардам берүү үчүн социалдык демилгелерди ишке ашыруудагы өнөктөштөрүнө ыраазычылык билдирди.
