Баткен облусунда жергиликтүү электр тармактары ишканасы тарабынан электр жабдыктарын жаңылоо башталды. Бул иштер 2026–2027-жылдардагы күз-кыш мезгилине даярдык көрүүгө багытталган, деп билдирет Энергетика министрлигинин басма сөз кызматы.
Бул жылы облус боюнча электр тармактарын жакшыртууга жана керектөөчүлөр үчүн туруктуу электр энергиясын камсыз кылууга жардам берүүчү бир катар маанилүү иш-чараларды өткөрүү пландалууда.
6-10/0,4 кВ трансформаторлор боюнча:
- 284 трансформатордун капиталдык ремонту жүргүзүлөт;
- 1632 трансформатор техникалык тейлөөгө алынат.
6-10/0,4 кВ аба линиялары боюнча:
- капиталдык ремонт 1538 км аба линияларын камтыйт;
- техникалык тейлөө 3847 км аба линияларында өткөрүлөт.
220/110/35 кВ жогорку вольттуу аба линиялары боюнча:
- 1400 км аба линиялары текшерилет, анын ичинен 20 км капиталдык ремонттон өтөт, ал эми 1380 км пландалган учурдагы ремонтту алат. Ошондой эле 8772 жаңы айнек изоляторлорун орнотуу пландалууда.
220/110/35 кВ подстанциялар боюнча:
- 5 подстанция капиталдык ремонттон өтөт;
- 45 подстанция пландалган учурдагы ремонтту алат.
Мындан тышкары, региондо 54 587 акылдуу эсептегичтерди (АСКУЭ) орнотуу пландалууда. Кээ бир айылдарда 32 км өзүн-өзү колдоп турган изоляцияланган СИП-2 жана СИП-3 проводдорун орнотуу да жүргүзүлөт.
Министрликтин билдирүүсүндө, бул иш-чаралардын негизги максаттарынын бири электр тармактарынын ишенимдүүлүгүн жогорулатуу, техникалык жоготууларды азайтуу жана керектөөчүлөргө сапаттуу жана туруктуу электр энергиясын камсыз кылуу болуп саналат.
