Баткен электр тармактары ишканасынан алынган маалыматка ылайык, Кыргызстандын Энергетика министрлигинин калкты сапаттуу электр энергиясы менен камсыз кылуу боюнча көрсөтмөсүнө жооп катары, «НЭС Кыргызстан» акционердик коомунун филиалы электр жабдууларын жаңылоого жана оңдоо иштерин жүргүзүүгө киришти. Бул иш-чаралар 2026-2027-жылдардагы күз-кыш мезгилине даярдык көрүүгө багытталган.
Бул жылы Баткен облусунда электр тармактарынын абалын жакшыртууга жана керектөөчүлөр үчүн ишенимдүү электр энергиясын камсыз кылууга багытталган ири долбоорлор пландалууда.
6-10/0,4 кВ трансформаторлору боюнча:
• 284 трансформатор капиталдык оңдоп-түзөөгө алынат;
• 1632 трансформатор техникалык тейлөөгө алынат.
6-10/0,4 кВ аба линиялары боюнча:
• 1538 км аба линиялары капиталдык оңдоп-түзөөгө алынат;
• 3847 км аба линиялары техникалык тейлөөгө алынат.
220/110/35 кВ жогорку вольттуу аба линиялары боюнча:
• 1400 км аба линиялары текшерүүдөн өтөт, алардын ичинен:
— 20 км капиталдык оңдоп-түзөөгө алынат;
— 1380 км учурдагы оңдоо алкагында тейленет;
• Ошондой эле 8772 жаңы айнек изоляторлорун орнотуу пландалууда.
220/110/35 кВ подстанциялар боюнча:
• 45 подстанция пландуу тейлөөгө алынат;
• 5 подстанция капиталдык оңдоп-түзөөгө алынат.
Мындан тышкары, 2026-жылы электр энергиясын өткөрүү системасын автоматташтыруу алкагында Баткен облусунда 54 587 акылдуу эсептөө приборун (АСКУЭ) орнотуу пландалууда. Ошондой эле, айрым айылдарда 32 км өзүн-өзү кармап турган изоляцияланган СИП-2 жана СИП-3 зымдары тартылат.
Бул иштердин негизги максаты электр тармактарынын ишенимдүүлүгүн жогорулатуу, техникалык жоготууларды азайтуу жана керектөөчүлөр үчүн сапаттуу жана үзгүлтүксүз электр энергиясын камсыз кылуу болуп саналат. Бул иш-чаралар 2026-2027-жылдардагы күз-кыш мезгилин ийгиликтүү өткөрүү жана региондун электр тармактарынын абалын жакшыртуу үчүн актуалдуу.
Электр энергиясын камсыз кылуу боюнча суроолор пайда болсо, төмөнкү байланыштарга кайрылсаңыз болот:
Колл-центр: 105;
Мобилдик телефондор:
Баткен РЭТ: 0221 33-36-02;
Сулюктун РЭС: 0772 46-04-01;
Лейлек РЭС: 0221 55-54-78;
Кадамжай РЭС: 0221 55-54-68;
Кызыл-Кий РЭС: 0773 94-07-07;
