2026-жылы ААК «Кыргызстандын улуттук электр тармагы» калкка туруктуу электр энергиясын камсыздоо үчүн 268 трансформатор сатып алууну пландаштырууда, бул тууралуу Энергетика министрлигинин маалыматы билдирет.
2026–2027-жылдардагы күз-кыш мезгилине даярдык алкагында өлкө боюнча жогорку жана төмөнкү чыңалуудагы подстанцияларда кубаттуулукту жогорулатуу боюнча иштер жүргүзүлөт.
35 жана 110 кВ чыңалуудагы 20 жогорку чыңалуу подстанциясында күч трансформаторлорунун кубаттуулугун 256 МВАга жогорулатуу каралган.
Региондор боюнча бөлүштүрүү:
• Бишкек — 2 трансформатор;
• Жалал-Абад облусу — 5 трансформатор;
• Ысык-Көл облусу — 5 трансформатор;
• Нарын облусу — 2 трансформатор;
• Талас облусу — 2 трансформатор;
• Чүй облусу — 4 трансформатор.
10/0,4 кВ тармактарында электр энергиясын берүү сапатын жана туруктуулугун жогорулатуу үчүн 248 трансформатор орнотулуп, модернизацияланат, бул 107 МВА кубаттуулукту жогорулатат.
Жаңы трансформаторлордун бөлүштүрүлүшү:
• Бишкек — 46;
• Ош облусу — 46;
• Талас облусу — 42;
• Жалал-Абад облусу ПЭС — 29;
• Ысык-Көл облусу — 28;
• Нарын облусу — 27;
• Баткен облусу — 22;
• Чүй облусу — 8.
Бул иш-чаралар жабдууларды жаңыртууга жана электр тармактарына жүктөмдү азайтууга мүмкүндүк берет. ААК «НЭСК» заманбап талаптарды эске алуу менен энергетикалык системаны модернизациялоону улантат, деп баса белгилейт Энергетика министрлиги.
Электр энергиясын камсыздоо боюнча суроолор үчүн ААК «НЭСК» 24/7 иштеген колл-борборуна кайрылсаңыздар болот:
• 105 (бесплатный звонок)
• Телефондор: +996 772 001209, +996 556 001209
• WhatsApp: +996 702 001209
