Баткен облусунда 10 кВ күчүндө эски майлуу өчүргүчтөрдү алмаштыруу иштери жыйынтыкталды. Бул тууралуу Кыргыз Республикасынын Энергетика министрлиги билдирди.
Тактап айтканда, 35/6 кВ «Чаувай» подстанциясында В-6 кВ «РЭШ-22», «Школа», «Завод» жана «Участок» линияларындагы эски майлуу өчүргүчтөр демонтаждалды, ошондой эле 35/6 кВ «Насосная – Кулунду» подстанциясында В-6 кВ «Т-1», «АГ-1» жана «АГ-22» линияларында. Алардын ордуна заманбап вакуумдук өчүргүчтөр орнотулду.
Мындан тышкары, 35/10 кВ «Кара-Булак» подстанциясында В-10 кВ «Белес» жана «Боз-Тумшук» линияларындагы өчүргүчтөр алмаштырылды, ал эми 35/10/6 кВ «Достук» подстанциясында В-10 кВ «Нефтопром» жана «Достук» линияларындагы жабдуулар жаңыланды.
35/10 кВ «Кара-Булак» (Баткен) жана 35/10 кВ «Марказ» подстанцияларында ОДКЗ-35 кВ Т-1 жабдууларынын ордуна 35 кВ күчүндөгү жаңы вакуумдук өчүргүчтөр орнотулду.
Ошондой эле 110/35/10 кВ «Самат» жана 35/10 кВ «Сулюкта» подстанцияларында аккумулятордук батареяларды заманбап үлгөлөргө алмаштыруу иштери жүргүзүлдү. Келечекте 35/10 кВ «Кара-Токой-1» подстанциясында 10 кВ вакуумдук өчүргүчтөрдү орнотуу пландаштырылууда.
«Жаңы вакуумдук өчүргүчтөр заманбап талаптарга жооп берет, өрт коопсуздугу боюнча коопсуз, ошондой эле жогорку ишенимдүүлүктү жана төмөн эксплуатациялык чыгымдарды камсыз кылат», — деп айтылат расмий билдирүүдө.
