Проект "Кыргызстандын улуттук электр тармактары" акционердик коомунун тарабынан 18 500,0 миң сомдук жалпы инвестициялар менен ишке ашырылды.
110/10 кВ "Кен-Сай" подстанциясынын ачылышы жаңы "Кен-Сай" турак жай комплексинин, ошондой эле жакынкы Гулбаар, Кенеш жана Джапалак айылдарынын ишенимдүү электр энергиясы менен камсыз болушун камсыздайт.
Бул подстанция Ош шаарында 3 000 үй-бүлөнү жана Араван районунда 6 877 тургунду 1 124 гектар жер аянтында электр энергиясы менен камсыздайт.
Мындан тышкары, жаңы объекттин ишке кириши 110/6 кВ "Учар" жана 35/10 кВ "Гулбаар" подстанцияларынын жүгүн азайтууга мүмкүндүк берет. "Кен-Сай" подстанциясы 1 824 гектар аянтта турак жай аймагын кеңейтүү алкагында курулган, бул социалдык, өнөр жай, коомдук жана жеке объекттер үчүн туруктуу электр энергиясын камсыздайт.
Ош электр тармактарынын адистери электр жабдыктарын тестирлеп, жөнгө салып, андан кийин подстанция эксплуатацияга даяр деп таанылды.
- 10 кВ аба линиясынын узундугу 15,5 км;
- 0,4 кВ аба линиясынын узундугу 3,5 км.
