Документти Кыргызстандын энергетика министри Таалайбек Ибраев, States Technology Co., Limited компаниясынын президенти Лю Фернандо Оскар жана San Energy Co. компаниясынын башкы директору Лю Йунцзе кол койду.
Энергия станциясы Баткен облусундагы Ак-Турпак айылында 669,3 гектар жерге жайгаштырылат. Курулуш иштерин быйыл баштоо пландалууда, ал эми курулушту бүтүрүү жана пайдаланууга берүү 2027-жылга белгиленген. Ишке киргенден кийин, өндүрүлгөн электр энергиясы «Кыргызстандын Улуттук электр тармактары» (НЭСК) акционердик коомунун тарабынан сатып алынат, бул Ак-Турпак айылынын тургундарын электр энергиясы менен камсыздоого мүмкүндүк берет.
Мындан тышкары, форумдун алкагында Кыргыз Республикасынын Энергетика министрлиги менен кытайлык POWERCHINA компаниясынын ортосунда кызматташуу боюнча меморандумга кол коюлду. Бул документ эл аралык инвестицияларды тартууга, энергетика секторунда кызматташтыкты өнүктүрүүгө, энергетикалык системаны модернизациялоонун келечектеги пландарын иштеп чыгууга, адистерди окутууга, ошондой эле Токтогул суу сактагычында сүзүп жүрүүчү күн энергиясы станцияларын куруу мүмкүнчүлүктөрүн изилдөөгө багытталган.
POWERCHINA – гидроэнергетика, электроэнергетика жана жаңылануучу энергия булактарынын объекттерин куруу жана эксплуатациялоо боюнча комплексдүү чечимдерди сунуштаган кытай компанияларынын бири.
