Жергиликтүү бийликтен алынган маалыматка ылайык, окуу жайына кирүүдө жаңы дарбаза орнотулду жана түнкү жарык берүү уюштурулду. Бул демилге окуучулардын коопсуздугун жогорулатууга жана мектептин инфраструктурасын заманбап стандарттарга ылайыкташтырууга багытталган. Мындан тышкары, класстардагы мебель, парта жана отургучтар толугу менен жаңыланды, бул окуу үчүн ыңгайлуу шарттарды түздү.
Мурда, 2025-жылдын 14-августунда, мэр Женишбек Токторбаев Юг-Чыгыш микрорайонундагы каналдардын жээгин тазалоо рейдинин алкагында аталган мектепке барып, күзөтчү узак убакыттан бери окуу жайдын аймагындагы үйдө жашап жатканын байкаган.
Ошол күнү мектептин директору Насибе Умар кызына күзөтчү бул имаратта жашоого укугу жок экендиги тууралуу маалымат берилди жана мектептин аймагында курулган автомойканын электр энергиясын өчүрүү жана аны жоюу боюнча көрсөтмө берилди.
