Ош шаарынын мэри Женишбек Токторбаев бул интерактивдүү жабдыктарды билим берүү мекемелерине өз колу менен тапшырды. Ал бул демилге мугалимдер үчүн мүмкүнчүлүктөрдү кыйла көбөйтүп, билим берүү процессинин заманбап талаптарына жооп берерин баса белгиледи. Шаар башчысы мектептерди заманбап жабдыктар менен камсыз кылуу негизги милдеттердин бири экенин белгилеп, бул мугалимдердин ишин жеңилдетип, окуучулар үчүн сабактарды кызыктуу кылат деп айтты.
Мындан тышкары, буга чейин шаардагы сегиз билим берүү мекемеси 14 интерактивдүү панель алганын белгилеп кетүү керек. Мэрия ошондой эле президенттин атынан мектептерди заманбап технологиялар менен жабдуу программасы уланарын кошумчалады.
