«Репортер АКИpress» сайтында 3-ноябрда Т.Сатылганов атындагы мектептин аймагында болгон мушташты тарткан видео жарыяланган.
Министрликтин маалыматына ылайык, инцидент 3-ноябрда экинчи сабактан кийинки тыныгуу учурунда, 9 жана 10-класстын окуучуларынын ортосундагы конфликт учурунда болгон.
«Конфликттин негизги себеби 9-класстын окуучуларынын улууларга болгон сыйсыз мамилеси болду. Бул окуяга байланыштуу, 4-ноябрда мектепке 9-класстын жана 10-класстын ата-энелери чакырылды, анда укук коргоо органдарынын кызматкерлеринин катышуусунда жыйын өттү. Жыйында ата-энелерге балдарынын жүрүм-турумун жакшылап көзөмөлдөө зарылдыгына басым жасалды, ошондой эле мектеп менен ата-энелер коомчулугунун ортосунда окшош кырдаалдардын алдын алуу үчүн биргелешкен профилактикалык иштерди жакшыртуу боюнча сунуштар берилди», - деп билдиришти Министрликтен.
