Билим берүү министрлигинин маалымат кызматынын маалыматына ылайык, окуучулар тестирлөө үчүн үч предметти тандай алышат. Процесс окутуу тилинде (кыргыз же орус) жүргүзүлөт, ал эми жалпы узактыгы 3 саат 30 мүнөттү түзөт.
Тестирлөөнүн негизги милдеттери окуу жетишкендиктерин көз карандысыз баалоо, аттестация жана экзамендерге даярдык көрүү, ошондой эле билим берүү мекемелеринде баалоо сапатын жакшыртуу жана тесттер менен иштөө көндүмдөрүн өнүктүрүү болуп саналат.
Тестирлөөнү уюштурууну Билим берүү министрлигинин билим берүүнүн сапатын өнүктүрүү департаменти жүргүзөт.
