Профориентация борборунун негизги милдеттери төмөнкүлөрдү камтыйт:
•
професионалдык тестирлөө жана жеке консультацияларды өткөрүү;
•
ар кандай кесиптердин адистери менен жолугушууларды уюштуруу;
•
ишканаларга жана окуу жайларына экскурсияларды өткөрүү;
•
кесиптер жана жумуш орундарын жарманкаларына катышуу.
Жогорку класстын окуучуларынын кызыкчылыктарын жана жөндөмдөрүн аныктоо үчүн «Кызыкчылыктар навигатору» тесттери жана профессионалдык, социалдык жана жеке сапаттарды баалоого мүмкүндүк берген башка методикалар колдонулат. 2025-жылдын январь айынан октябрь айына чейин 76 мектептен 5754 окуучу тестирлөөнү өткөрдү.
Адистер менен жолугушуулар профориентациялык иштердин бир бөлүгү болуп калды: көрсөтүлгөн мезгилде № 75, 91 жана 50 мектептерден 142 окуучу үчүн 4 жолугушуу өткөрүлдү. Ишканаларга экскурсиялар № 68 мектептин 92 окуучусуна эмгек шарттары жана окуу программалары менен таанышууга мүмкүнчүлүк берди, анын ичинде Hyatt Regency Bishkek отелине жана С. Чокморов атындагы № 10 профессионалдык лицейге визиттер болду.
Кесиптер жана жумуш орундарын жарманкалары окуучуларга ар кандай карьералык мүмкүнчүлүктөр жөнүндө маалымат алууга шарт түзөт. Мисалы, 22-апрелде Ж. Баласагын атындагы Кыргыз улуттук университетинде өткөрүлгөн иш-чарага 7 мектептен 381 окуучу катышты, ал эми 2-октябрда Г. Айтиева атындагы Кыргыз улуттук көркөм искусстволор музейинде 10 мектептен 520 жогорку класстын окуучусу болду. Бул иш-чаралардын алкагында тестирлөө, оюндар, викториналар жана «Жетишүүнүн сырлары» мастер-классы өткөрүлдү.
