Министрликтин басма сөз кызматынын маалыматына ылайык, жумушчу жыйында айдоочуларды даярдоо маселелери менен алектенген топтун мүчөлөрү, ошондой эле Кыргыз билим берүү академиясынын, Республикалык илимий-методикалык борбордун, Мамлекеттик транспорт каражаттарын жана айдоочуларды каттоо борборунун өкүлдөрү, жана кесиптик билим берүү мекемелеринин жетекчилери катышты.
Жыйында айдоочуларды даярдоого байланыштуу мамлекеттик билим берүү стандарттарынын долбоорлору, ошондой эле окуу пландары жана сунушталган окуу сааттары көрсөтүлдү.
Министр заманбап окуу материалдары менен толук окуу-методикалык комплекстин иштелип чыгышынын маанилүүлүгүн белгиледи.
Мурда маалымдалгандай, 11-12-класстын окуучулары үчүн жол кыймылынын эрежелери боюнча 14 айлык милдеттүү курс киргизилет. Ошондой эле авто мектебиндеги экзамендерди катаалдатуу пландалууда, ал эми жеке авто мектептер мамлекеттик мектептер катары ишин улантат.
