Мындан тышкары, шайлоо участкаларында кезектеги кызматта турган тез жардам бригадаларынын жана медициналык кызматкерлердин даярдыгы талкууланды.
Медициналык кызматкерлердин саясий нейтралдуулугу маселесине өзгөчө көңүл бурулду. Уюмдардын жетекчилерине саясий үгүттөөлөрдөн, артыкчылыктарды көрсөтүүдөн жана шайлоо алдындагы иш-чараларга катышуудан баш тартуунун зарылдыгы эскертилди.
Саламаттык сактоо министрлиги ошондой эле медициналык кызматкерлерге ар кандай формада үгүт ишмердүүлүгүнө катышууга тыюу салган буйрук чыгарды. Бул эрежени бузган учурларда тартиптик чаралар, анын ичинде административдик санкцияларды колдонуу мүмкүнчүлүгү каралган.
Жыйындын жыйынтыгы боюнча Минздрав бардык деңгээлдеги жетекчилерди өз кызматкерлерин күчүндө турган эрежелер жөнүндө активдүү маалымдоого жана республикалык медициналык мекемелерде алардын аткарылышын көзөмөлдөөгө чакырды.
