Эң көп ооругандар Бишкек жана Ош шаарларында, ошондой эле Нарын, Ысык-Көл жана Чүй облустарында катталды.
Ооругандардын 63,7%ын 14 жашка чейинки балдар түзөт.
Кезектеги вирустар менен күрөшүү алкагында Саламаттык сактоо министрлиги гриппке каршы вакцинацияны аяктоодо. Риск тобундагы адамдар үчүн 63,7 миң доза «Гриппол Плюс» вакцинасын сатып алды, учурда вакцинация 90,5% га аткарылды. Вакцинацияны кээ бир жеке медициналык мекемелерде акы төлөп алууга болот.
Мындан тышкары, өлкөнүн лабораториясына гриппти диагностикалоо үчүн 10 миң тест системасы келип түштү.
Инфекциялардын жайылышын алдын алуу үчүн төмөнкү чаралар киргизилди:
- бардык саламаттык сактоо мекемелеринде беткап режимин жана стационарларга кирүүгө чектөөлөр;
- балдар бакчаларында, мектептерде жана жогорку окуу жайларында дезинфекциялоо жана абаны алмаштыруу процедураларын күчөтүү;
- балдардын арасында оорулуулукту мониторинг жүргүзүү.
Саламаттык сактоо министрлиги эскертет:
- вакцинация — оор формалардан коргонуу үчүн эң натыйжалуу жолу;
- температуранын көтөрүлүшү жана ОРВИ симптомдору пайда болгондо үйдө калуу жана доктурга кайрылуу сунушталат;
- адамдардын көп чогулган жерлеринде гигиеналык нормаларды сактоо жана беткап кийүү инфекцияны жугузуу коркунучун азайтууга жардам берет.
«Эпидемиялык абал туруктуу жана көзөмөлдө. ОРВИ, грипп жана COVID-19 оорулуулугун мониторинг жүргүзүү уланууда», — деп белгиленди ведомстводо.
