2025-жылы Бишкекте модернизация жүргүзүлүп, жыш жашаган аймактарда жайгашкан беш подстанциянын кубаттуулугу кыйла жогорулады.
Конкреттүү өзгөрүүлөр төмөнкүдөй:
- ПС 110/10 кВ «Кок-Жар» — 25 МВАдан 40 МВАга трансформатор алмаштырылды;
- ПС 110/10 кВ «Орто-Алыш» — ошондой эле 25 МВАдан 40 МВАга трансформатор алмаштырылды;
- ПС 110/10 кВ «Алтын-Казык» — трансформатордун кубаттуулугу 16 МВАдан 25 МВАга жогорулады;
- ПС 110/10 кВ «Берлик» — ошондой эле, 16 МВАдан 25 МВАга;
- ПС 110/10 кВ «Водоканал» — 6,3 МВА кубаттуулуктагы трансформатор 16 МВАга алмаштырылды;
Ошентип, беш подстанциянын жалпы кубаттуулугу 146 МВАга жогорулап, шаар тургундарын сапаттуу электр энергиясы менен камсыз кылууга мүмкүнчүлүк берет. Мындан тышкары, азыркы жылдын аягына чейин дагы эки подстанциянын кубаттуулугун жогорулатуу пландалууда.
Бул модернизациялык иштер Энергетика министрлиги менен Дүйнөлүк банк ортосундагы келишимдин алкагында жүргүзүлүүдө.
"Бул иш-чаралардын негизги максаты күз-кыш мезгилин ийгиликтүү өткөрүү, ошондой эле борбордун калкына ишенимдүү электр энергиясын камсыз кылуу жана кызмат көрсөтүүнүн сапатын жогорулатуу", — деп айтылат расмий билдирүүдө.
