Таласта подстанциялар боюнча бардык оңдоо иштеринин 100%ы аяктады, деп билдирет Кыргыз Республикасынын Энергетика министрлиги.
Ведомствонун маалыматы боюнча, 35 кВ жана андан жогору чыңалууда иштеген 30 бирдик электр жабдыктарына капиталдык ремонт жүргүзүлгөн, ал эми 1 608 бирдик жабдык техникалык тейлөөнөн өткөн.
35/10 кВ «Беш-Таш», «Бейшеке» жана «Конезавод» подстанцияларында капиталдык курулуш программасынын алкагында эски ОДКЗ-35 типтеги ажыраткычтар жаңы вакуумдук блочтук моделдерге алмаштырылды.
500/220/10 кВ «Тулебердиева» подстанциясында релейдик коргоо панелдерин модернизациялоо боюнча иштер уланууда. Бул иш-чаралар электр энергиясын камсыздоонун ишенимдүүлүгүн жогорулатууга жана авариялык кырдаалдардын алдын алууга багытталган.
