Иш-чарада энергетика министри Таалайбек Ибраев, Ош шаарынын мэри Женишбек Токторбаев, «Кыргызстандын Улуттук электр тармактары» акционердик коомунун башкы директору Ильгиз Сыдыгалиев жана жергиликтүү тургундар катышты.
Энергетика министрлигинин маалыматына ылайык, долбоордун баасы 18,5 миллион сомду түздү.
Бул жаңы подстанция Кен-Сай конушу жана Гулбаар, Кенеш, Жапалак айылдары үчүн ишенимдүү электр энергиясын камсыздайт. Мындан тышкары, Ош шаарында жана Араван районунда 6 877 адам жашаган жаңы конушта 3 миңден ашык үй-бүлөгө электр энергиясы жеткиликтүү болот.
Подстанциянын ишке кириши «Учар» жана «Гулбаар» подстанцияларындагы жүктөмдү азайтууга жардам берет. Жаңы объектте 6,3 МВА кубаттуулуктагы трансформатор, ошондой эле заманбап өчүргүчтөр жана автоматташтырылган башкаруу системасы орнотулган.
Быйылкы жылдын июль айында энергетика министри Таалайбек Ибраев объектти зыярат кылып, иштерди аяктап, подстанцияны жылдын аягына чейин ишке киргизүүнү тапшырган.
«Кен-Сай» подстанциясы электр энергиясын камсыздоону жакшыртып, Ош жана анын айланасындагы жаңы конуштар менен өнөр жай объекттеринин өнүгүшүнө мүмкүнчүлүктөрдү түзөт.
Объекттер
Спутник
⛶
