Кулунду айылдык кеңешинин төрагасы Абдижапар Досовдун билдирүүсүнө караганда, бул транспорттук каражаттар ГКНБнын төрагасы Камчыбек Ташиевдин тапшырмасынын негизинде берилди.
Кулундуда мүмкүнчүлүгү чектелген балдар үчүн «Үмүт шооласы» деп аталган окуу-реабилитациялык мекеме жайгашкан. Ата-энелердин бул мекемеге балдарын жеткирүү кыйынчылыкка туш болушу мүмкүн. Мындан тышкары, мектептен 4 километр алыстыкта жайгашкан Булак-Башы деген алыскы айыл бар. Кыш мезгилинде окуу мекемесине баруу жолдору өзгөчө кыйын болуп калат — жамгыр жана кар жолдорду булгап, өтүү кыйындатат. Ошондуктан, 11–12-декабрда Ташиев Лейлек районун жумушчу сапар менен келгенде, биз ага эки автобус берүүнү суранып кайрылдык. Кыска убакыттын ичинде маселе чечилип, эки «Спринтер» берилди.
Бир автобус «Үмүт шооласы» окуу мекемеси үчүн пайдаланылат, экинчиси болсо Булак-Башы айылындагы мектеп окуучулары үчүн. Эки транспорттук каражат азыр айыл өкмөтүнүн балансында. Отун жана запчасть маселелери айыл өкмөтү тарабынан чечилет, ал эми айдоочунун эмгек акысы ата-энелер тарабынан төлөнөт», — деп кошумчалады Досов.
