2026-жылы Бишкекте 6–10/0,4 кВ чыңалуудагы 298 трансформатор оңдолуп, 38 жаңы жабдык орнотулат. Бул маалыматты Бишкек электр тармактары ишканасы билдирди.
Бул иштердин негизги максаты энергетикалык системанын ишенимдүүлүгүн жогорулатуу жана шаар тургундарына туруктуу электр энергиясын камсыздоо болуп саналат. Иштерди аткаруу учурунда адистер бар жабдыктардын техникалык абалын текшерип, эски бөлүктөрдү алмаштырып, зарыл болгон тейлөөнү жүргүзүшөт. Жаңы трансформаторлордун орнотулушу электр энергиясын өткөрүү сапатын жакшыртып, энергетикалык тармактагы жүктөрдү тең салмактоого жардам берет.
Иштер электр тармактарынын төмөнкү райондорунда жүргүзүлөт:
- Чыгыш РЭС — 113 трансформатор оңдолуп, 25 жаңысы орнотулат;
- Батыш РЭС — 100 трансформатор оңдолуп, 3 жаңысы орнотулат;
- Түндүк РЭС — 85 трансформатор оңдолуп, 10 жаңысы орнотулат.
Ошондой эле, Бишкек электр тармактары ишканасынын балансында жалпы 2248 трансформатор бар экенин жана алардын бардыгы учурдагы жылдын аягына чейин техникалык тейлөөнөн өтүшү керектигин белгилеп өтүү керек.
