Иштер март айында башталып, 2026-жылдын ноябрь айына чейин уланат. Жабдууларды жаңылоого финансылык колдоо ОАО «КУЭТ» тарабынан көрсөтүлөт, ал эми долбоорлорду ишке ашыруу Бишкек электр тармактары ишканасы тарабынан жүргүзүлөт.
Оңдоп-түзөө процессинде трансформаторлордун техникалык абалын диагностикалоо, эскирген компоненттерди алмаштыруу жана зарыл болгон тейлөө иштери жүргүзүлөт. Жаңы трансформаторлорду эксплуатацияга киргизүү электр энергиясын камсыздоонун сапатын жакшыртууга, жүктүн балансын сактоого жана керектөөчүлөрдү электр энергиясы менен туруктуу камсыздоого жардам берет.
Иштер төмөнкү райондордо жүргүзүлөт:
• Чыгыш РЭС — 113 трансформатор оңдолууга жатат, 25 жаңы орнотулат;
• Батыш РЭС — 100 трансформатор оңдолуп, 3 жаңы орнотулат;
• Түндүк РЭС — 85 трансформатор оңдолууга жатат, 10 жаңы орнотулат.
Бишкек электр тармактары ишканасында 2248 трансформатор бар экенин белгилеп өтүү керек, жана жылдын аягына чейин алардын бардыгы толук техникалык тейлөөнү жана оңдоп-түзөөнү өткөрүшү керек.
