Бул компания курулуш керамикалык кирпич жана газоблокторду өндүрүү менен алектенет. Долбоордун алкагында күйгүзүлгөн кирпич жана газобетон блокторун өндүрүү уюштурулат, күнүнө 200 миң кирпичке чейин өндүрүү мүмкүнчүлүгү менен. Долбоорго салынган жалпы инвестициялар $10,5 миллион доллардан ашат.
2025-жылдын 4-августунда кол коюлган жер тилкеси боюнча ижара келишимине ылайык, компания иш башталган соң Ынтымак айыл өкмөтүнүн бюджетине ыктыярдуу салымдарды төлөп берет. Биринчи жылы сумма 35 миллион сомду түзөт, ал эми кийинки жылдары 5 миллион сомдон төлөнөт, бул каражаттар социалдык инфраструктураны өнүктүрүүгө жана жергиликтүү калкты колдоого жумшалат.
Бул долбоорду ишке ашыруу жаңы жумуш орундарын түзүүгө жана салык түшүүлөрүн көбөйтүүгө алып келет, бул болсо региондун курулуш секторуна жана Ош облусунда инвестициялык ишмердүүлүктү активдештирүүгө оң таасир этет.
