Бүгүн Ички иштер министрлигинде министр Улан Ниязбеков менен онлайн жыйын өттү, анын алкагында 2026-жылдын биринчи кварталында милициянын иши боюнча жыйынтыктар чыгарылды.
Ички иштер министрлигинин маалымат кызматы билдиргендей, жыйында Орозо айта жана Нооруз майрамдары учурунда коомдук тартипти камсыз кылуу боюнча чаралар талкууланды.
20-марттан 22-мартка чейин ички иштер органдары күчөтүлгөн режимде иштейт. Жарандардын көп чогулган жерлеринде, ошондой эле мечиттердин жанында жана майрамдык иш-чаралар өтө турган аянтчаларда милиция кызматкерлеринин саны көбөйтүлөт. Жалпысынан коопсуздукту камсыз кылуу үчүн 12 миңден ашык адам тартылат.
Ички иштер министрлиги кырдаалды дестабилизациялоого, жалган маалымат таратууга жана провокацияларга болгон аракеттер тез арада аныкталып, токтотулаарын баса белгиледи.
