Бул тууралуу Кыргыз Республикасынын Президентинин администрациясына караштуу Транспорт каражаттарын жана айдоочулук күбөлүктөрүн каттоо мамлекеттик борборунун регионалдык бөлүмүн жетектеген Эрнис Тельтаев билдирди.
«Мөөнөтсүз айдоочулук күбөлүктөрүн алмаштыруу акциясы тургундардын активдүү кызыгуусун жаратты. Натыйжада 8 013 адам өз күбөлүктөрүн жаңылады, алардын ичинен 7 388 жаңы документ алышты, ал эми 276 жоголгон күбөлүктөрүн алмаштырды. Алмаштыруу процесси уланууда», — деп белгиледи Тельтаев.
Мындан тышкары, жыл башынан бери регионалдык борбор 15 025 айдоочулук күбөлүгүн берди. Алардын ичинен 13 499 адам эски документтерин алмаштырса, 629 адам күбөлүктөрүн жоготуу боюнча калыбына келтирүү үчүн кайрылышты. 9 507 жаран онлайн жазылуу үчүн колдонмодон пайдаланды.
