Ош шаарындагы борбордук аянтта бүгүн аскердик текшерүү өткөрүлдү, анын жүрүшүндө милициянын Нооруз майрамын өткөрүү үчүн коопсуздукту камсыздоого даярдыгы текшерилди.
Облус администрациясынын өкүлдөрү берген маалыматка ылайык, иш-чарага Ош облусундагы президенттин ыйгарым укуктуу өкүлү Аманкан Кенжебаев жана Ички иштер башкармалыгынын начальниги Нурланбек Бурканов, ошондой эле башка күч структураларынын жетекчилери жана милиция кызматкерлери катышты.
Текшерүү учурунда тартипти сактоо, кылмыштардын алдын алуу жана жолдордогу коопсуздукту камсыздоо боюнча көрсөтмөлөр берилди.
Аймактын башчысы майрам күндөрүндө укук коргоо органдарынын кызматкерлери күчөтүлгөн режимде иштээрин, жарандарды тартипти сактоого чакырды.
Жалпысынан 1000ден ашык милиция кызматкери майрамдык иш-чаралар учурунда аймактагы коомдук коопсуздукту көзөмөлдөшөт.
