Иш-чарада Ош облусундагы президенттин ыйгарым укуктуу өкүлү Аманкан Кенжебаев, Ош шаарынын мэри Жеңишбек Токторбаев, ички иштер министринин орун басары Эркебек Аширходжаев, Ош облусунун Ички иштер башкармалыгынын начальниги Нурланбек Бурканов жана башка күч структураларынын жетекчилери, ошондой эле жеке курамы катышты.
Көргөзмө учурунда кызматкерлердин формасы, техникалык каражаттар жана майрамдык күндөрдө милдеттерди аткарууга даярдыгы текшерилди. Ошондой эле коомдук тартипти камсыз кылуу, кылмыштуулукту алдын алуу жана жол кыймылынын коопсуздугу боюнча тапшырмалар берилди.
Облус башчысы жаңы жылдык майрамдар учурунда облус милициясынын кызматкерлери күчөтүлгөн режимде иштээрин белгилеп, жарандарды мыйзамдарды сактоого жана коопсуздук чараларына көңүл бурууга чакырды.
«Облус аймагында коомдук коопсуздукту майрамдык күндөрдө 1000ден ашык кызматкер камсыздайт. Милиция түнү-бүткүл кызмат өтөп, жарандардын тынчтыгын жана коопсуздугун камсыз кылат», - деп айтылган билдирүүдө.
