Талас облустук ички иштер башкармалыгынын маалымат кызматына ылайык, иш-чарага жергиликтүү ички иштер башкармалыгынын, мэриянын өкүлдөрү, ошондой эле билим берүү, эмгек, социалдык коргоо жана миграция башкармалыгынын кызматкерлери катышты. Ошондой эле диний ишмерлер, мугалимдер, студенттер жана мектеп окуучулары да болушту.
«Форумдун жүрүшүндө милиция кызматкерлери катышуучуларга тематика боюнча видеороликтерди көрсөтүштү. Талас мамлекеттик университетинин студенттери кылмыштуу аракеттердин эч кандай жакшы натыйжаларды алып келбестигин баса белгилеген сахналарды көрсөтүштү. Мектеп рэкети, топтук мушташтар жана башка өспүрүмдөрдүн кылмыштуулугуна байланыштуу маселелер да талкууланды, жаштардын аң-сезимдүү жүрүм-турумунун зарылдыгына басым жасалды», - деп билдирет маалымат кызматы.
