Рейд учурунда укук коргоо органдарынын кызматкерлери, үй-бүлө жана балдарды коргоо бөлүмү менен биргеликте, кечки 22:00дөн кийин жашы жете элек балдардын чоң адамдарсыз көчөдө жүрбөгөндүгүн текшеришти. Алар ата-энелерди таап, көзөмөлдүн жоктугунун себептерин аныкташты. Андан соң мыйзам бузууларды болтурбоо боюнча түшүндүрүү иштери жүргүзүлдү.
«Негизги максат — ата-энелерге өз балдарына көзөмөл кылуунун маанилүүлүгүн эскертип, аларды кылмыштуулуктун жана мыйзам бузуулардын коркунучунан коргоо, ошондой эле туура кеңештерди берүү», — деп белгилешти маалымат кызматы.
Операциянын натыйжасында белгиленген убакыттан кийин коштоосуз көчөдө жүргөн 52 жашы жете элек бала аныкталды.
22 ата-эне боюнча протоколдор түзүлүп, алар 74-берененин «Балдардын ден соолугуна зыян келтирбөө боюнча мыйзамдардын талаптарын бузуу» жана 102-берененин «Ата-энелик милдеттерден качуу» боюнча айып пул алышты.
Ошондой эле сунуштамалык каттар жөнөтүлдү: 13 — жергиликтүү айыл өкмөтүнө жана 7 — билим берүү бөлүмүнө», - деп кошумчалашты билдирүүдө.
