Ведомствонун маалыматына ылайык, 2023-жылдын 24 жана 25-ноябрында өткөрүлгөн «Тилемчи» профилактикалык акциясынын алкагында, Баткен шаардык ички иштер башкармалыгынын өспүрүмдөр менен иштөө инспекциясынын кызматкерлери компьютердик клубдарда жана подвалдарда текшерүүлөрдү жүргүзүштү.
Текшерүүнүн натыйжасында көчөдө түнкү убакта эч кандай негизсиз жүргөн үч өспүрүм табылды. Алар ата-энелерине кайтарылды.
Бул иш-чаранын негизги максаты өспүрүмдөрдүн коопсуздугун камсыздоо жана укук бузууларды, кайырчычылыкты жана башка терс көрүнүштөрдү алдын алуу болуп саналат.
