16-ноябрда саат 20:50дө келип түшкөн маалыматка ылайык, Баткен чек ара отрядынын чек арачылары Мазар-Башы аймагында, Орто-Боз айылында белгисиз эркекти токтотушту. Ал Кыргызстандан Тажикстанга эки баш ири мүйүздүү малды өткөрүүгө аракет кылып жаткан.
Кармалган жаран — А. Н., 1986-жылы туулган, Кыргызстан жараны. Учурда иш боюнча тергөө иштери жүргүзүлүүдө.
Маалыматта контрабандалык фактылар региондогу эттин баасын жогорулатууга таасир этери да белгиленген. Ошондуктан, Баткен облусунда президенттин өкүлчүлүгүнүн көрсөтмөсү менен контрабандалык операцияларга каршы активдүү күрөш улантылууда.
