Алмаз Сарлыкбеков Нарын облустук музыкалык-драмалык театрынын башкы режиссёру болуп кызмат өтөгөн, ошондой эле Т. Абдумомунов атындагы Кыргыз драм театрынын жана Б. Кыдыкеева атындагы Жаш көрүүчү театрынын көркөм жетекчиси болгон.
Анын эмгектеринен «Туздуу чөл», «Адам жана Азазил», «Өмүр жана өкүнүч», «Талант жана тагдыр» жана «Жаабарс» спектаклдерин белгилеп өтсө болот. Ал биринчи болуп сахнада Шекспирдин «Король Лир» жана С. Раевдин «Күн кармаган бала» пьесасын көрсөттү.
Сарлыкбековдун жетекчилиги астында түзүлгөн спектаклдер бүгүнкү күндө театрлардын репертуарында маанилүү бөлүк болуп калууда.
Юбилейлик иш-чаранын алкагында көрүүчүлөргө документалдык фильм, куттуктоолор жана Алмаз Сарлыкбеков тарабынан түзүлгөн «Талант жана тагдыр» спектакли сунушталат.
