Торжествада маданият, маалымат жана жаштар саясаты министринин орун басары Марат Тагаев катышып, юбилейге карата республикалык деңгээлде көптөгөн иш-чаралар уюштурулганын белгиледи.
Жыйындын негизги максаты Сейитказы Андабековдун жана анын жубайы, актриса Койсун Карасартованын чыгармачылык мурасын сактап, келечек муундарга өткөрүп берүү болду.
Мерекелик кеченин алкагында Нарын драмтеатрынан келген артисттер Сейитказы Андабеков жана Койсун Карасартова образдарына айланган сахна жана ролдорду аткарышып, музыкалык номерлерди да сунушташты. Мындан тышкары, көрүүчүлөр ушул эки улуу артисттин өмүрү жана чыгармачылыгы тууралуу баяндалган документалдык фильмди көрүштү.
