Министрликтин маалымат кызматынын маалыматына ылайык, жолугушуунун жүрүшүндө Кыргызстан менен Россиянын маданий байланыштарын бекемдөө жолдору талкууланды. Негизги көңүл маданият, медиа жана интеллектуалдык чыгармачылык чөйрөсүндөгү биргелешкен долбоорлорго бурулду.
Атап айтканда, жаштар арасында креативдүү ой жүгүртүүнү жана маданий дипломатияны өнүктүрүүгө багытталган билим берүү жана просветительдик инициативаларды иштеп чыгууга басым жасалды.
Андрей Козлов «Что? Где? Когда?» интеллектуалдык клубунун магистри гана эмес, ошондой эле бул оюндун негизги сыйлыгы «Хрустальная сова» менен көптөгөн жолу сыйланган. Ал ар кандай телевизиондук программалардын автору жана алып баруучусу, ошондой эле телевизиондук шоу жана маданий фестивалдардын режиссеру жана продюсери катары белгилүү.
