Бул конкурстун негизги максаты жаштарда жарандык жана патриоттук сезимдерди калыптандыруу, руханий жана адеп-ахлактык негиздерди бекемдөө, алардын интеллектуалдык, чыгармачылык жана физикалык өнүгүүсүнө көмөктөшүү, ошондой эле жаш муундун билим берүү муктаждыктарын канааттандырууга багытталган демилгелерди колдоо болуп саналат, деп белгиленет ведомствонун билдирүүсүндө.
Конкурс комиссиясынын 22-октябрда кабыл алынган чечими менен мамлекеттик финансылык колдоо алчу жеңүүчүлөр жарыяланды, алардын долбоорлору 200 000 сомго чейин каржыланат:
- Данияр Бекишов — «Жаш талант» фестивалдык конкурсу;
- Кубанычбек Ашымов — «Жаш акын» конкурсу;
- Алтынай Жапарбекова — «Сүрөтчү буюмдардын галереясы» долбоору;
- Баткен Мамлекеттик университети — «Next Step» демилгеси;
- Жеңишбек Мамай уулу — «Эко-Арт жашыл демилге»;
- Дөбөлү айылындагы жаштардын коомдук бирикмеси — «Маалымат-ресурс окуу борбору»;
- «Жалал-Абад интеллектуалдык клубу» коомдук бирикмеси — бирдей аталыштагы долбоор;
- Абил Каныбеков — «Алга кадам» демилгеси;
- Айназик Болотбекова — «Ийгилик рецепти» долбоору;
- «Жумгал KG» жаштар бирикмеси — «Интеллектуалдык жана инновациялык медиа борбор».
