Мамлекеттик физикалык маданият жана спорт агенттигинин алдындагы улуттук спорт түрлөрү дирекциясы VI Дүйнөлүк көчмөндөр оюндарынын ачылыш парадына катышуучулар үчүн параддык форманын дизайнын түзүү максатында конкурс уюштурду.
Конкурстун максаттары
Негизги милдет уникалдуу жана эстетикалык жактан жагымдуу дизайнды аныктоо болуп саналат, ал улуттук салттарды, символиканы жана ушул дүйнөлүк оюндардын рухун чагылдырууга, ошондой эле заманбап комфорт жана салтанат стандарттарына жооп берүүгө тийиш.
Кимдер катыша алат
Конкурска оригиналдуу иштеп чыгуу менен дизайнерлер, модельерлер, костюм художниктер жана чыгармачыл топтор катыша алышат.
Иштерге талаптар
- Параддык форманын толук комплектин, анын ичинде баш кийим, жогорку кийим, эркектер үчүн шым жана аялдар үчүн көйнөктөрдү сунуштоо керек;
- Экипировка улуттук стилде жасалууга жана VI Дүйнөлүк көчмөндөр оюндарынын расмий символикасынын элементтерин (бекитилген Бренд-китепке ылайык) камтышы керек;
- Колдонулган материалдар негизинен табигый (жүн, пахта, лен, жибек), кийүүгө ыңгайлуу жана коопсуз болушу керек;
- Ар бир иш материалдардын жана кызматтардын баасын эсептөө менен коштолушу керек.
Заявкаларды кабыл алуу 2025-жылдын 17-ноябрына чейин уланат;
Конкурс эки этапта өтөт:
1. Тандоо — эскиздерди жана концепциянын сүрөттөмөсүн берүү.
2. Финалдык — эркектер жана аялдар үчүн даяр үлгүлөрдү көрсөтүү.
Иштерди электрондук форматта жана кагаз түрүндө тапшырууга болот.
Иштерди баалоо критерийлери
- Идеянын жана көркөм аткаруунун оригиналдуулугу;
- Темага жана конкурс шарттарына ылайыктыгы;
- Материалдардын жана аткаруунун сапаты;
- Эстетика жана образдын бүтүндүгү.
Конкурстун жеңүүчүлөрү сертификаттар жана акчалай сыйлыктар алышат:
I орун - 150 000 сом;
II орун - 100 000 сом;
III орун - 80 000 сом.
Эң мыкты иштер VI Дүйнөлүк көчмөндөр оюндарынын расмий иш-чараларында колдонууга сунушталат. Тандалган иштер боюнча автордук укуктар Улуттук спорт түрлөрү дирекциясына өткөрүлөт.
Байланыш маалыматтары: Кыргыз Республикасы, Бишкек ш., Тоголок Молдо көч., 17
Улуттук спорт түрлөрү дирекциясы
Телефон: +996 500 059311 (Лаура Чынаева)
Электрондук почта: [email protected] ```
